தர்மபுரி மாவட்ட அளவிலான நீச்சல் போட்டிகள் ராஜாஜி நீச்சல் குளத்தில் கடந்த 11, 12 தேதிகளில் நடைபெற்றது. இந்த போட்டியில் தர்மபுரி மாவட்டம் பென்னாகரம் வட்டம் ஊட்டமலை அரசு பள்ளியில் பயிலும் மாணவ மாணவிகள் கலந்து கொண்டனர். பல்வேறு பிரிவுகளில் கலந்து கொண்டு மொத்தம் 50 பதக்கங்களை பெற்றுள்ளனர்.
மேலும் ஆண்கள் பிரிவில் 20 மாணவர்களும் பெண்கள் பிரிவில் 7மாணவிகளும் என மொத்தம் 27 மாணவ மாணவிகள் சென்னையில் அடுத்த மாதம் 27ஆம் தேதி நடைபெறும் மாநில அளவில் நடைபெறும் நீச்சல் போட்டிகளுக்கு தேர்வு செய்யப்பட்டுள்ளனர்.
இந்தப் போட்டியில் வெற்றி பெற்ற மாணவ மாணவிகளை பள்ளியின் தலைமை ஆசிரியர் பாலாஜி பெற்றோர் ஆசிரியர் கழக தலைவர் முத்தையன் உடற்கல்வி ஆசிரியர் சிவன் மற்றும் பள்ளியில் ஆசிரியர்கள் வாழ்த்தினார்.
கருத்துகள் இல்லை:
கருத்துரையிடுக