தர்மபுரி மாவட்டம் காரிமங்கலம் அடுத்த பள்ளத்து கொட்டாய் கிராமத்தை சேர்ந்த கூலி தொழிலாளி கோவிந்தராஜ் என்பவரின் மகன் வினோத் (வயது. 25) இவர் இன்று மாலை தனது டி.வி.எஸ்.xட வாகனத்தில் தர்மபுரி தேசிய நெடுஞ்சாலையில் மாட்லாம்பட்டி நோக்கி சென்று கொண்டிருந்தார், மாட்லாம்பட்டி சட்டகல்லூரி அருகே சென்று கொண்டிருந்த போது, பின்னால் இருந்து வந்த அடையாளம் தெரியாதா வாகனம் மோதியதில் தூக்கி வீசப்பட்டு பலத்த காயமடைந்தார்.
அக்கம் பக்கத்தினர் மீட்டு 108 ஆம்புலன்ஸ் மூலம் தர்மபுரி அரசு ஆஸ்பத்திரியில் சிகிச்சைக்காக சேர்த்தனர். தகவலறிந்த காரிமங்கலம் போலீசார் விபத்து குறித்து வழக்கு பதிவு செய்து விபத்து ஏற்படுத்திய வாகனம் குறித்து விசாரித்து வருகின்றனர்.
கருத்துகள் இல்லை:
கருத்துரையிடுக