காரிமங்கலம் மேற்கு ஒன்றியம் மல்லுப்பட்டியில் திமுக செயற்குழு கூட்டம் நடைபெற்றது.

தர்மபுரி மாவட்டம், காரிமங்கலம் அடுத்த மல்லுப்பட்டி தனியார் மண்டபத்தில் காரிமங்கலம் மேற்கு ஒன்றிய திமுக செயற்குழு கூட்டம், மேற்கு ஒன்றிய செயலாளர் வழக்கறிஞர் MVT. கோபால் தலைமையில்  நடைப்பெற்றது. இக்கூட்டத்திற்க்கு மாநில விவசாய அணி துணைத் தலைவர் சூடப்பட்டி சுப்ரமணி, வழக்கறிஞர் அணி மாவட்ட அமைப்பாளர் வழக்கறிஞர் சந்திரசேகர், ஒன்றிய அவைத் தலைவர் முனுசாமி ஆகியோர் முன்னிலை வகித்தனர்.

இக்கூட்டத்தில் வரும் 2026 சட்டமன்ற தேர்தலில் தலைமை யாரை வேட்பாளராக அறிவித்தாலும் அவரது வெற்றிக்கு அனைவரும் உழைக்க வேண்டும், இப்போது இருந்தே தின்னைபிரச்சாரம், தெருமுனை பிரச்சாரசத்தில் ஈடுபட வேண்டும், மகளிர் உரிமைத் தொகை, மகளிர் பேருந்து, மாணவர்களுக்கு மாதம் ஆயிரம் ரூபாய் வழங்கும் திட்டம் உள்ளிட்ட திட்டங்கள் குறித்து பொது மக்களுக்குள் தெரியபடுத்தும் வகையில் பிரச்சாரம் மேற்கொள்ள வேண்டும் உள்ளிட்ட தீர்மானங்கள் நிறைவேற்றப்பட்டன.

இக்கூட்டத்தில் மாவட்ட விவசாய அணி துனைத் தலைவர் ஏ.வி.குமார்,  இளைஞரணி மாவட்ட துணை அமைப்பாளர் ஹரிபிரசாத் மாநில, மாவட்ட, ஒன்றிய, கிளை நிர்வாகிகள், சார்பு அணி அமைப்பாளர்கள், தொண்டர்கள் என திரளானோர் கலந்து கொண்டனர்.