ஜிட்டாண்டஅள்ளி பேருந்து நிலையத்தில் திமுக சார்பில் தண்ணீர் பந்தல் திறப்பு விழா.

தர்மபுரி மாவட்டம், காரிமங்கலம் மேற்கு ஒன்றியம், ஜிட்டாண்டஅள்ளி பேருந்து நிலையத்தில் திமுக மேற்கு ஒன்றியம் சார்பில் தண்ணீர் பந்தல் திறப்பு விழா நடைபெற்றது. இந்த நிகழ்ச்சிக்கு ஒன்றிய செயலாளர் வக்கில் எம்.வீ.டி.கோபால் தலைமையேற்றார்.

இந்நிகழ்ச்சிக்கான ஏற்பாடுகளை அமைப்பு சாரா ஒட்டுநர் அணி துணை அமைப்பாளர் ஜே.எம்.சக்தி செய்திருந்தார். விழாவில் மாவட்ட பொருளாளர் முருகன், ஒன்றிய செயலாளர்கள் பஞ்சபள்ளி அன்பழகன், கண்ண பெருமாள், வழக்கறிஞர் அணி மாவட்ட அமைப்பாளர் வக்கில் சந்திரசேகர், மாவட்ட தொண்டரணி துணை அமைப்பாளர் பாக்யராஜ், மாவட்ட விவசாய அணி துணை அமைப்பாளர் ஏ.வி.குமார் மற்றும் எம்.கே.முனிராஜ் ஆகியோர் முன்னிலை வகித்தனர்.

விழாவில் திமுக மேற்கு மாவட்ட செயலாளர், முன்னாள் அமைச்சர் பழனியப்பன் கலந்து கொண்டு ரிப்பன் வெட்டி, தண்ணீர் பந்தலை திறந்து வைத்தார். பொதுமக்களுக்கு நீர்மோர், இளநீர், தர்பூசணி மற்றும் பழங்களை வழங்கி தாகத்தை தீர்த்தார்.

தமிழகத்தில் கோடை காலம் தொடங்கும் முன்பே பல்வேறு மாவட்டங்களில் 100 டிகிரி பாரன்ஹிட் வெப்பநிலையை விட அதிகமாக காணப்படுகிறது. இதனை எதிர்கொண்டு பொதுமக்களின் தாகத்தை தீர்க்க திமுக சார்பில் பல்வேறு இடங்களில் தண்ணீர் பந்தல் திறக்க முதல்வர் ஸ்டாலின் அறிவுறுத்தியதற்கமைய, ஜிட்டாண்டஅள்ளி பேருந்து நிறுத்தத்தில் தண்ணீர் பந்தல் அமைக்கப்பட்டது.

விழாவில் திமுகவின் ஒன்றிய நிர்வாகிகள் முனுசாமி, நடராஜ், முன்னாள் ஒன்றிய குழு துணைத் தலைவர் யுவராஜ், முன்னாள் ஊராட்சி மன்ற தலைவர் சிவாஜி, அண்ணாமலை அள்ளி முன்னாள் ஊராட்சி மன்ற தலைவர் இளங்கோ, மாவட்ட மகளிர் தொண்டரணி அமைப்பாளர் ஜெயா, மாவட்ட இளைஞர் அணி துணை அமைப்பாளர்கள் ஹரிபிரசாத், மகேஷ், ஒன்றிய இளைஞர் அணி அமைப்பாளர் சிதம்பரம் மற்றும் கட்சி தொண்டர்கள், பொதுமக்கள் திரளாக கலந்து கொண்டனர்.